زومار.. ژبەر نەبوونا كارەبێ پرۆژەیێن ئاڤێ هاتینە راوەستاندن
ئەحمەد جەعفەر، رێڤەبەرێ ناحیا زومار دیار كر كو خەلك زۆر گازندەیان دكەن و دبێژن بۆچی دەمێ پێشمەرگەهێ كوردستانێ ل زومار، رەوش گەلەك باش بوو و 24 دەمژمێران كارەب هەبوو و بۆچێ پشتی پێشمەرگەه كوردستانێ ل زومار نەمایی، رەوش باش نینە وكارەب گەلەك تیكچوویە.نۆكە رۆژانە هەتا 14 دەمژمێران خەلكێ زومار بێ كارەب دمینن. ئەم گەلەك هەولدەن رەوشا كارەبێ باش بكەین لێ هێشتا كارەب باش نینە. ئەڤە بوویە ئەگەر پرۆژەیێن ئاڤێ ژی بهێنە راوەستاندن وخەلك بێ ئاڤ ژی دمینن چونكو پرۆژە ل سەر كارەبێ كاردكەن ودەمێ كارەب نەبیت پرۆژە دهێنە راوەستاندن".
خۆیا ژی كر كو نۆكە ل زومار هندەك جادە دهێنە چێكرن ئەڤ سالە مە پلانا خوە دانایە بۆ چێكرنا چەندین پرۆژان، بۆ ڤێ مەرەمێ ژی ئەم پێدڤی ب كوژمێ سێ ملیار دینارێن عێراقی نە ئەڤ پلانا بۆ ئیدارا مووسل هاتیە رەوانەكرن".
باسنيوز
