ئێوارەی ئەمڕۆ ئاگر لە ماڵێکی گەڕەکی پەنجا عەلی لە کەرکووک کەوتەوە و بەهۆیەوە دوو منداڵی یەک خێزان گیانیان لەدەستدا.

عەمید هەڤاڵ بەرزنجی، بەڕێوەبەری پۆلیسی عروبە راگەیاند، یەکێک لە منداڵەکان کوڕە، ناوی ئەنەس ئیسماعیل ـە و لەدایکبووی 2014یە، ئەوی دیکەشیان کچە و ناوی ئەنیا ئیسماعیلە و لەدایکبووی 2017یە.

بەڕێوەبەری پۆلیسی عروبە ئەوەیشی گوت، هۆکاری ئاگرکەوتنەوەکە بەهۆی تەنووری غاز بووە لە ماڵەکەدا و تاوەکو تیمەکانی ئاگرکوژێنەوە گەیشتوونەتە شوێنەکە نەتواندراوە منداڵەکان رزگاربکرێن.

بەگوتەی پۆلیس پەڕاوی لێکۆڵینەوە بۆ رووداوەکە کراوەتەوە و لێکۆڵینەوەکانیان بەردەوامە.