لە قەزای ئاكرێ‌ بە بۆنەی 74مین ساڵیادی دامەزراندنی كۆماری كوردستان لە مەهاباد، بە سەرۆكایەتی پێشەوا قازی محمەد، تاجینەگۆڵینە لەسەر گڵکۆی سێ‌ ئەفسەری كۆماری کوردستان دانرا.

زێرەڤان تەمو، رۆژنامەنووس و چالاك و رێكخەری‌ ڕێوڕەسمەكە رایگەیاند: "ئەمڕۆ پێنجشەممە لە ساڵیادی دامەزراندنی كۆماری كوردستان لە مهاباد، تاجەگۆڵینەی رۆژنامەنووسان و چالاكوان و رۆشنبیران و كەسایەتییەكانی سنووری ئاكرێمان لەسەر گۆڕی سێ‌ ئەفسەری كۆماری کوردستان دانا لە ئاكرێ‌ كە هەر سێکیان خەڵكی ئاكرێ‌ بوون".

گوتیشی: "ئەو سێ‌ ئەفسەری کوردەی دەڤەری ئاكرێ‌ کە کە ساڵی 19946 بەشدارییان لە دامەزراندنی كۆماری كوردستان لە مەهاباد بە رێبەریی پێشەوا قازی محەمەد و بە سەرپەرشتی بارزانی نەمر کردبوو، بریتین لە (میرحاج ئەحمەد ئاكرێی، خاڵەند‌ خەیاڵێ‌ و مەهدی سەلیم خان زێباری) و ئێمەش وەك وەفایەك تاجەگۆڵینەمان لەسەر گڵکۆكانیان دانا".










باسنیوز