به‌ فه‌رمانى به‌ڕێوه‌به‌رى پۆلیسى پارێزگاى هه‌ولێر، هەموو ڕێگری و بەربەستەکانی شەقامی بەردەم بارەگای بەڕێوەبەرایەتیی پۆلیسی پارێزگای هەولێر لادران.

ئه‌مڕۆ سێشه‌ممه‌ 21/1/2020، به‌ڕێوه‌به‌رایه‌تیی پۆلیسى پارێزگاى هه‌ولێر ڕاگه‌یاندراوێكى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "به‌ فه‌رمانى عه‌مید دلێر نه‌جات، بەڕێوەبەری پۆلیسی پارێزگای هەولێر، هەموو ڕێگری و بەربەستەکانی شەقامی بەردەم بارەگای بەڕێوەبەرایەتیی پۆلیسی پارێزگای هەولێر لادران".

هه‌ر له‌ ڕاگه‌یاندراوه‌كه‌دا ئاماژه‌ به‌وه‌ش دراوه‌، ئێستا هاووڵاتییان بەشێوەیەکی ئاسایی دەتوانن هاتوچۆ لەم ڕێگایەدا بکەن".










باسنيوز