کۆڕبەندی داڤۆس بە بەشداریی سەرۆکی هەرێمی کوردستان دەست بەکارەکانی دەکات

کۆڕبەندی ئابووریی داڤۆس دەست بەکارەکانی دەکات و سەرۆکی هەرێمی کوردستان بەشداریی تێدا دەکات.

ئەمڕۆ سێشەممە 21-1-2020 بۆ ماوەی چوار رۆژ، کۆڕبەندی ئابووریی داڤۆس لە سویسرا بە بەشداریی سێ هەزار سەرکردە و کەسایەتیی باڵای جیهان، ساز بکرێت.

نێچیرڤان بارزانی، سەرۆکی هەرێمی کوردستان بەشداریی کۆڕبەندەکە دەکات و لە پەراوێزی کۆڕبەندەکەش، لەگەڵ دۆناڵد ترەمپی سەرۆکی ئەمریکا و سەرکردە سیاسی و ئابوورییە کاریگەرەکانی جیهان، کۆ دەبێتەوە.

ناوی بەشێک لەو سەرکردانەی بەشداریی کۆڕبەندەکە دەکەن:

- نێچیرڤان بارزانی، سەرۆکی حکوومەتی هەرێمی کوردستان

- بەرهەم ساڵح، سەرکۆماری عێراق

- دۆناڵد ترەمپی سەرۆکی ئەمریکا

- ئەنگێڵا مێرکڵی راوێژکاری ئەڵمانیا

- ئەنۆنیۆ گۆتێرسی سکرتێری گشتیی نەتەوە یەکگرتووەکان

- عمران خان، سەرۆک وەزیرانی پاکستان

- جۆزێبی کۆنتی، سەرۆک وەزیرانی ئیتاڵیا

- سێباستیان کورتز، راوێژکاری نەمسا

- ئۆرسۆلا ڤۆن دێرلاین، سەرۆکی کۆمسیۆنی یەکێتیی ئەوروپا

مەولود چاویشئۆغڵو، وەزیری دەرەوەی تورکیا

لە کۆڕبەندی ئەمساڵدا، چەند تەوەرێکی پەیوەندیدار بە ئاسایش و سەقامگیریی جیهان تاوتوێ دەکرێن، کە بریتین لە؛

- تێکچوونی کەشوهەوای گۆی زەوی و رێگاکانی چارەسەرکردنی.

- سووتانی دارستانەکانی ئوسترالیا.

- مەترسیی سەرهەڵدانی شەڕی نێوان ئەمریکا و ئێران و رێککەوتننامەی ناوکیی وڵاتانی 5+1 و ئێران.

- خستنەخوارەوەی فڕۆکەیەکی مەدەنیی ئۆکرانی لەلایەن سوپای پاسدارانی ئێرانەوە.

- ناکۆکییە ئابوورییەکانی ئەمریکا و چین.

- ناکۆکییەکانی نێوان ئەمریکا و وڵاتانی یەکێتیی ئەوروپا.

- مەترسییە تەندروستییەکان لەسەر جیهان.

ساڵانە سەرکردە سیاسیی و ئابوورییە باڵاکانی جیهان لە زستانەهەواری داڤۆس لە سویسرا، بۆ تاوتوێکردنی رەوشی ئابووریی و سیاسیی جیهان، کۆ دەبنەوە.










باسنيوز