گەنجەك د شوقەیەكێدا كەفت و گیانێ خو ژدەست دا
ل دۆر رویدانێ، مقەدەم هێمن سلێمان پەیڤدارێ رێڤەبەریا گشتی یا پۆلیسێن پارێزگەها دهۆكێ د داخویانیەكێدا گۆت: "پشتی نیڤرۆیا ئەڤرۆ رۆژا ئێك شەمبی رێكەفتێ 19/1/2020 پشتی كو پەیوەندی ب تیمێن مە هاتیە كرن كو رویدانەك ژ جورێ كەفتنێ ل شوقێن زەری لاند دروست بویە و تیمێن مە بەرەڤ جهێ رویدانێ ڤە چوین دیار بوویە كو گەنجەك د شوقێن (زەری لاند) ل سەنتەرێ دهۆكێ دا كەفتیە خوار و گیانێ خو ژ دەست دایە".
هەمان پەیڤدارێ ئەو چەندە ژی دیار كرن: "رویدان د نیڤرۆیا ئەڤرۆ دا دروست بویە و ئەو گەنجێ د شوقێن زەری لاند دا كەفتیە خوار هەر ئێكسەر گیانێ خو ژ دەست دایە و تەرمێ وی بو نۆژداریا داد ل دهۆكێ هاتیە رەوانەكرن. د هەمان دەم دا ژلایێ پۆلیسێن نەهێلانا گونەهباریان ل دهۆكێ نڤیسینگەها كوشتنێ، دەست ب ڤەكولینێ هاتیە كرن تا كو بوۆمە دیار ببیت ئەگەرێ دروست یێ ئەڤێ رویدانێ چ بویە و ئەو گەنجە ب چ رەنگ د شوقێ دا كەفتیە خوار و بویە ئەگەرێ گیان ژ دەستدانا وی".
باسنيوز
