ئەمڕۆ دووشەممە 2020/1/13 مەسرور بارزانی، سەرۆکی حکوومەتی هەرێمی کوردستان، پێشوازی لە "جنین هينيس پلاسخارت" نوێنەری تایبەتی سکرتێری گشتی نەتەوە یەکگرتووەکان (UN) لە عێراق کرد.

لە دیدارەکەدا، دوایین پێشهات و پەرەسەندنەکانی بارودۆخی عێراق تاوتوێ کران. ئاماژە بەوەش درا کە عێراق بە دۆخێکی سەختدا تێدەپەڕێت و پێویستە هەموو لایەنەکان هەستیاریی بارودۆخەکە لەبەرچاو بگرن.

لە دیدارەکەدا هاوکات جەخت لەوەش کرایەوە کە گرژبوونی زیاتری رەوشەکە لە قازانجی خەڵکی عێراق و ناوچەکە نییە و پێویستە ئاشتی و سەقامگیریی عێراق بپارێزرێت.

باشترکردنی پەیوەندیی نێوان هەرێمی کوردستان و حکوومەتی فیدراڵی و ھەماھەنگیی زیاتر لەگەڵ نەتەوە یەکگرتووەکان، تەوەرێکی دیکەی دیدارەکە بوو.











باسنيوز