بەپێی ڕاگەیەندراوێکی لقی سێی پارتی لە کەرکووک ئەنجامی دەرچوان لە کەرتی پەروەردە لە سنووری پارێزگای کەرکووک، ڕێژەی کورد لەبەرچاو نەگیراوە.

لە ڕاگەیەندراەکەدا هاتووە ئەو پرۆسەی دامەزراندنە زۆر نابەرانبەرە و لەکۆی 2500 دەرچوو، تەنیا ناوی 500 کوردی تێدایە، واتە ڕێژەکە یەک لەسەر پێنجە.

ڕاگەیەندراوەکەی لقی سێی کەرکووکدا هاتووە: "ئەمەش پێچەوانەی واقعی شاری کەرکووکە کە کورد هەمیشە زۆرینە بووە، لە سەرژمێری و پرۆسەکانی هەڵبژادندا، هەمیشەش لە دامەزاندندا بێبەش کراوە".

ئەمەش دەقەی راگەیەدنراوەکەیە:

پاش ئەوەی ناوی دامەزراوانی پەروەردەی کەرکووک ڕاگەیەندرا، بەداخەوە دەبینن ڕێژەی دەرچوانی کورد لە دامەزراندنەکەدا زۆر نابەرانبەرە و لە کۆی 2500 دەرچوو، تەنها 500 کورد د امەزراوە، واتە ڕێژەی 1 له سەر 5 .

ئەمەش پێچەوانەی واقعی شاری کەرکووکە کە کورد هەمیشە زۆرینە بووە، لە سەرژمێری و پرۆسەکانی هەڵبژادندا، هەمیشەش لە دامەزاندندا بێبەش کراوە.

بۆیە ڕووی ناڕەزاییمان دەکەینە وەزارەتی پەروەردە لە بەغدا و بەڕێوەبەرایەتیی گشتیی پەروەردەی کەرکووک.

لەگەڵ ئەوەشدا پێویستە لایەنە پەیوەندیدارەکان چارەسەری ئەم گرفتە بکەن کە بووەتە مایەی تووڕەبوون و بێزاریی دەرچووانی کورد لەو پارێزگایە و پێویستە هەستیاریی پارێزگای کەرکووک لەبەرچاو بگیرێت.



لقی ۳ی

پارتی دیموکراتی کوردستان

2020/1/9‌‌‌‌‌‌‌‌













باسنيوز