لە سنووری كەركووك بەیانی ئەمڕۆ سێشەممە 7/1/2020، هێزێكی لیوای 61ی سەر بە حكوومەتی عێراقی كە ماوەیەكە ئەوان سەپێندراون بەسەر شارەكەدا و وەك دەسەڵاتی یەكەمی سەربازی خۆیان نیشان دەدەن، هەڵیانكوتاوەتە سەر گەڕەكی كوردستان (فەیلەق)ی شاری كەركووك، بە بیانووی پشكنینی ماڵان و دەستبەسەرداگرتنی چەكی بێ مۆڵەت، ئەو گەڕەكەش كە پشكنینیان بۆ ئەنجام داوە گەڕەكێكی كوردنشینە.

ناوبەناو حەشدی شەعبی و هێزە ئەمنییەكانی دیكەی عێراق، بە بیانووی پشكنین هەڵدەكوتنە سەر گەڕەكە كوردنشینەكانی كەركووك و ئەمەش نیگەرانیی لای دانیشتووانی ئەو گەڕەكانە دروست كردووە و بەشێك لە دانیشتوانی گەڕەكەكان ئاماژە بۆ ئەوە دەكەن كە داعش لە گەڕەكە عەرەب‌شینەکان و حەویجە و ناوچەكانی دیكە هەن، كەچی هێزە ئەمنییەكان دێن گەڕەكە كوردنشینەكان بە شێوەیەنی نایاسایی دەپشكنن و شتومەكی نێو ماڵەكانیش تێك دەدەن.

لە 16ی ئۆكتۆبەری 2017 میلیشیاكانی حەشدی شەعبی كەركووكیان بە رێككەوتن لەگەڵ گرووپێكی خیانەتكاری كورد داگیر كرد و لەو كاتەوە دۆخی پارێزگاكە لە هەموو ڕوویەكەوە نالەبارە و فشارەكان زیاتر لە سەر كوردانی شارەكە ئەنجام دەدرێت.













باسنيوز