بێوار عەبدولعەزیز، بەرپرسێ راگەهاندنێ ل رێڤەبەریا بەرەڤانیا باژێری ل پارێزگەها دهۆكێ دیار كر كو: "ئەڤرۆ ل دەمژمێر 9:20 دەقیقەی سپێدێ پەیوەندی ب یەكا كۆنترۆلێ هاتە كرن بهەبوونا روودانەكا ئاگربەربوونێ ل تاخێ ماسیكێ سنۆری دهۆكێ دا كو ئاگر بەربوویە دو ژوورێن قوتابخانا ئیشق وبنگەهێ بەرەڤانیا باژێری ل مالتایێ ل جهێ روودانێ بەرهەڤ بوون بۆ كۆنترۆلكرنا روودانێ. هیچ زیانەكا گیانی نەبوویە بتنێ دو ژووێن قوتابخانێ هاتینە سۆتن".
خۆیا ژی كر كو: "ژ ئەگەرێ شۆرتێ كارەبێ ئەڤ روودانا سۆتنێ ل قوتابخانا ئیشق دروست بوویە. پشتی تیمێن بنگەهێ مالتا چووینە جهێ بوویەرێ دو ژوو هاتینە سۆتن وئاگر هاتە كۆنترۆل كرن".
سالا بۆرێ ل سەرانسەری پارێزگەها دهۆكێ ب كوژمێ سێ ملیار و 320 ملیۆن دیناران زیانێن دارایی ژبەر روودانێن ئاگربەربوونێ گەهشتینە وەلاتیان.
باسنيوز
