بهفر بارینێ ل دهڤهرا ئامێدیێ دهستپێكره ڤه
عیرفان سلێمان، رێڤهبهرێ دهرگههێ دهروازێ سنورى یێ (سهر زێرى) ههڤسنورێ ههرێما كوردستانێ و وهلاتێ توركیا ل سنورێ ناحیا كانى ماسێ سهر ب قهزا ئامێدیێ ڤه بو (باسنیوز) دا دیاركرن: "پشتى نیڤرۆ یا ئهڤرۆ رۆژا چارشهمبى رێكهفتى 1/1/2020 د ئێكهم رۆژا سالا نوى دا، جارهك دى پێلهكا دیتر یا بهفر بارینێ ل سنورێ قهزا ئامێدیێ ل دهڤهرێن كانى ماسێ و سهر زێرى دهسپێكر و بهفر بارین ههتا ئهڤێ خولهكێ یا بهردهوامه".
ههمان رێڤهبهرى ئهو چهنده ژى دوپاتكر: "ژ بهر كو دهڤهرا ئامێدیێ و ناحیا كانى ماسێ دهڤهرێن چیایى دهێن هژمارتن لهورا ل وهرزێ زڤستانێ ههر زوو پێلێن بهفر بارینێ ل ئهڤێ دهڤهرێ دهستپێدكهن و ئهڤرۆ ژى پێلهكا بهفر بارینێ ل دهڤهرا كانى ماسێ باریه و ئهڤه د دهمهكێ دا یه كو د دهمێ حهفتیا بورى دا زێدهتر ژ (60) سانتیمهترێن بهفرێ ل دهروازێ سهر زێرى بارى بوون".
گوت ژى: "راسته هند جاران رێكێن هاتن و چوونێ دهێن گرتن لێ تا نها هاتن و چوون ل دهروازێ سهر زێرى بهردهوامه و تیمێن رامالینا بهفرێ د ئهركێ خو دا دبهردهوامن ژ پێخهمهت پاقژكرنا جاددێ و پاراستنا گیانێ خهلكى ژ ههر جوره رویدانهكێ".
باسنیوز
