لە شاری خورماتوو نارنجۆكێك فڕێ درایە نێو ماڵی هاووڵاتییەكی كورد، هەروەها نامەیەكی پڕ لە هەڕەشەشیان بۆی نووسیوە.

سەرچاوەیەكی ئاگادار لە رووداوەكە، ڕايگەیاند: "بەرەبەیانی ئەمڕۆ چوارشەممە 1/1/2019، لە گەڕەكی بناری شاری خورماتوو، نارنجۆكێك هەڵدراوەتە نێو ماڵی هاووڵاتییەكی كورد بە ناوی عیماد سەمین".

گوتیشی: "راستەخۆ دوای ئەو كردەوەیە نامەیەكی هەڕەشە ئامێزیشیان خستووەتە نێو حەوشەی ماڵەوەیان و داوای بڕێك پارەی لێ دەكەن".

لە 16ی ئۆكتۆبەری 2017، حەشدی شەعبی خورماتوویان بە رێككەوتن لەگەڵ گرووپێكی خیانتەكاری كورد داگیر كرد و لەو كاتەوە دۆخی شارەكە نائارامە و ناو بەناویش هەڕەشەی جۆراوجۆر لە كوردانی شارەكە دەكرێت.












باسنيوز