ئێوارەی ئەمڕۆ دووشەممە نێچیرڤان بارزانی سەرۆكی هەرێمی كوردستان پرسەنامەیەكی بۆ كۆچی دوایی ئاسۆ عومەر سوارە هونەرمەندی ناسراوی كوردستان بڵاوكردەوە.

لە پرسەنامەكەی سەرۆكی هەرێمی كوردستاندا هاتووە "بە داخه‌وه‌ هەواڵی كۆچی ناواده‌ی هونەرمەند و ئه‌كته‌رى دیار ئاسۆ عومەر سوارەم پێگه‌يشت. بە گەرمی پرسە و سەرەخۆشی لە خانه‌واده‌ى به‌ڕێزيان، له‌ كەسوكار و هاوڕێ و دۆستانی، لە هونەرمەندان و هونەردۆستانی سلێمانی و كوردستان دەكەم، هاوسۆز و هاوخه‌ميانم. خوای گەورە سەبووری و ئارامی بە هەموو لایەك ببەخشێت و خوالێخۆشبوو به‌ بەهەشتى خۆى شاد بكات".


جێی باسە ئەمڕۆ دووشەممە هونەرمەند ئاسۆ عومەر سوارە بە نەخۆشیەكی لەناكاو لە شاری سلێمانی کۆچی دوایی کرد.










باسنيوز