تهندروستیی ههولێر دوو خواردنگە له شهقامى ئیسكان دادهخات
ئهمڕۆ شهممه 28/12/2019، بەڕێوهبەرایەتیی کاروباری پاراستنی تەندروستیی هەولێر ڕاگهیاندراوێكى له پهیجى فهرمیی خۆى، له تۆڕى كۆمهڵایهتیی (فهیسبووك) بڵاو كردهوه، تێیدا هاتووه: "بەهۆی پابەندنەبوون بە ڕێنماییەکانی تەندروستی، دوو خوادنگە لە شەقامی ئیسکان داخران".
له ڕاگهیاندراوهكهدا د. سهرهەنگ جەلال، بهڕێوهبهرى بەڕێوهبەرایەتیی کاروباری پاراستنی تەندروستیی هەولێر ڕاى گەیاندووه: "تیمەکانی تەندروستیی خۆراک لە ئەنجامێکی هەڵمەتێکی گەڕان و پشکنین لە شەقامی ئیسکان، دووخواردنگەیان داخست، کە مەرجەکانی تەندروستیاین تێدا نەبوو".
دهشڵێت: "تیمەکان ڕۆژانە لەپشکنینی شوێنە گشتییەکان بەردەوامن و بۆ ئەم مەبەستەش داوا لە هاووڵاتییان دەکەین لەکاتی بینینی هەر سەرپێچییەک تیمەکانمان ئاگادار بکەنەوە، بۆ بەدواداچوون پەیوەندی بە ژمارە تەلەفۆنی (07505571967) بکەن".
باسنيوز
