لە قەزای "شارەبان"ی سەر بە پاریزگای دیالە بەهۆی شەڕی نێوان دوو خێزان، دوو كەس كوژران و كەسێكیش بریندار بووە و پۆلیسیش دەڵێت هۆكاری شەڕەكە كێشەی كۆمەڵایەتی بووە.

نیهاد محەمەد، گوتەبێژی بەرێوەبەرایەتی پۆلیسی دیالە، رايگەیاند: "بەرەبەیانی ئەمڕۆ پێنجشەمە 26/ 12/ 2019 لە قەزای "شارەبان"ی سەر بە پارێزگای دیالە، لە ئاكامی شەڕی نێوان دوو خێزان كە خزمی نزیكی یەكترن، دوو كەس كوژراون و كەسێكیش بریندار كراوە".

گوتیشی: "هۆكاری ئەو رووداوەش بۆ كێشەی كۆمەڵایەتی دەگەڕێتەوە".

گوتەبێژی پۆلیس باسی لەوەش كرد: "بەهۆی بوونی چەك لە ماڵان، زۆر جار لە كاتی ناكۆكییەكاندا هاووڵاتیان لە سنووری شارەبان پەنا بۆ چەك دەبەن."














باسنيوز