لیژنەی پێشمەرگە و ناوخۆ و ئاسایش و ئەنجوومەنە خۆجێییەکان له‌ په‌رله‌مانی كوردستان ڕاپۆرتی لەسەر پرۆژەیاسای چاکسازی تەواو کرد و راپۆرتەکەش دەداتەوە دەستەی سەرۆکایەتیی پەرلەمان.

بەپێی زانیارییەکان لیژنەکە پشتگیریی پرۆژە یاسای چاکسازی و ماددەکانی تایبەت بە لیژنەکەی کردووە و پێشنیازەکانیشی لەنێو پرۆژەکەدا گونجاندووە.

بەپێی پرۆژەیاسای چاکسازی، سەرجەم ھێزەکانی پێشمەرگە لە سەرجەم یەکەیەکی ژمێریاری کۆ دەکرێنەوە.

یەکێکی دیکەی ماددەکانی ئەوەیە، کە پێداچوونەوە بە سەرجەم خانەنشینی پلە باڵاکانی ھێزی پێشمەرگەدا بکرێت و ئەو کەسانەی بە نایاسایی خانەنشین کراون، پێداچوونەوەیان پێ بکرێت و ڕێک بخرێنەوە.

راپۆرتەکە سەرجەم ئەندامانی لیژنەکە پەسەندیان کردووە و نێردراوەتە بۆ دەستەی سەرۆکایەتیی پەرلەمانی کوردستان.












باسنيوز