بەڕێوەبەرایەتیی گشتیی پەروەردەی سلێمانی لە نووسراوێكدا كە ئاراستەی بەڕێوەبەرایەتیی پەروەردەی ڕۆژهەڵات، ڕۆژئاوا، ڕانیە، پشدەر، دووكان، دەربەندیخان، شارەزوور، سەیدسادق، چەمچەماڵ، پێنجوێن، شارباژێڕ، قەرەداغ و سەرجەم فەرمانگەكانی سەر بە بەڕێوەبەرایەتیی گشتی كردووە، ڕای گەیاندووە بەپێی نووسراوی وەزارەتی پەروەردەی حكوومەتی هەرێمی كوردستان، ڕیكلامی كۆمپانیا و دەزگا و شاری یارییەكان لە ناوەندەكانی خوێندن، قەدەغەیە.

لە نووسراوەكەدا كە بە ژمارە 39475 لە 17/12/2019 دەرچووە و هاتووە "بەپێی نووسراوی وەزارەتی پەروەردە/ بەڕێوەبەرایەتیی گشتی دیوان/ بەڕێوەبەرایەتیی كاروباری یاسایی/ هۆبەی یاسایی و موڵكایەتی، پێتان ڕادەگەیەنین ڕێگە نەدرێت بە هیچ كۆمپانیا و دەزگا و شاری یارییەكان پڕوپاگەندە بكەن و پسووڵە لەنێو ناوەندەكانی خوێندندا بڵاو بكەنەوە".

بەپێی نووسراوەكە "بە پێچەوانەوە بە ڕێگەدان بەرپرسیار دەبن بەرامبەر بە یاسا و ڕێنماییەكان".














باسنيوز