کۆبوونەوەی سێ سەرۆکایەتییەکی هەرێمی کوردستان لەبارەی پرۆژەیاسای چاکسازی، دەستی پێ کرد.

کەمێک لەمەوبەر کۆبوونەوەی سەرۆکی هەرێمی کوردستان، سەرۆکی حکوومەت و سەرۆکی پەرلەمانی کوردستان لە سەرۆکایەتیی هەرێمی کوردستان، دەستی پێکرد.

لەو کۆبوونەوەیەدا، نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکی حکوومەتی هەرێمی کوردستان و رێواز فایەق، سەرۆکی پەرلەمانی کوردستان تاوتوێی پرۆژەیاسای چاکسازی دەکەن.

رۆژی دووشەممە 16-12-2019، پەرلەمانی کوردستان خوێندنەوەی یەکەمی بۆ پرۆژەیاسای چاکسازی کرد و بە زۆرینەی دەنگیش سیفەتی بە پەلەی دایە پرۆژەیاساکە، تاوەکو لە ماوەیەکی کەمدا پەسەند بکرێت.

رۆژی چوارشەممە 11-12-2019، ئەنجومەنی وەزیرانی هەرێمی کوردستان بە سەرپەرشتیی مەسرور بارزانی کۆ بووەوە و پرۆژەیاسای چاکسازی پەسەندکرد.

رۆژی پێنجشەممە 12-12-2019، حکوومەتی هەرێمی کوردستان لەڕێی ڤاڵا فەرید، وەزیری هەرێم بۆ کاروباری پەرلەمان پرۆژەیاساکەی ناردە پەرلەمانی کوردستان.












باسنيوز