ملیۆنهك و 500 هزار دینار بۆ ههر خێزانهكا ڤهگهرە شنگال دهێته دان
مهحما خهلیل، قایمقامێ قهزا شنگال دیاركر: "ل گۆرى بهرنامهكێ بهغدا یێ ڤهگهریانا ئاواران ژ كهمپان بۆ سهر جهێن وان ئهڤ كوژمێ پارهیى دهێته دان، ئهوژى پشتى وهرگرتنا هندهك پێرابوونان. لێ ئهز دبینم خهلكێ شنگال نه ژبهر پارەى نازڤرنه شنگال بهلكو خهلكێ شنگال باوهرى ب وان هێز و گرۆپان نینه یێن نها دناڤ شنگالێ دا، لهورا نهشێن ڤهگهرن. ههتا نۆكه پتر ژ 85% خهلكێ شنگال ل ههرێما كوردستانێ نه. ئهز دبینم ب ملیۆنهك و 500 هزار دیناران خهلك بهرههڤ نینه ڤهگهرن چونكو ههكه سهقامگیرى و خزمهتگوزارى نهبن یا زهحمهتە وهلاتیێن شنگال بشێن بزڤرن".
ل گۆرى ئامارێن رێڤهبهریا گشتیى یا كاروبارێن ئێزدیان ل وهزارتا ئهوقاف وكاروبارێن ئاینى حكومهتا ههرێما كوردستانێ درۆژێن ئێكێ دا ژ جینۆسایدا شنگال 1293 كهس هاتینه شههیدكرن. ژمارا ئێزدیان ل عێراقێ دگههته 550 ھەزار كهسان و 360 ھەزارئێزدى ژبهر تیرۆرستێن داعش ئاواره بوون.ههتا نۆكه 80 گۆرێن بكۆم یێن هاتینه دیتن دگهل دههان گۆرێن دى یێن تاكه كهسى و 68 مهزارگههێن ئێزدیان ژلایێ تیرۆرستێن داعش ڤە هاتینه پهقاندن.
باسنیوز
