قاسم شەشۆ، فەرماندێ فەرماندەیا پێشمەرگە ل شنگال دیار كر كو دناڤبەرا حەزەرێ و بەعاج دا تیرۆرستێن داعش هەنە ئەڤە ژی ڤەدگەریت بۆ رێپێدانا ب زڤرینا عەرەبان بۆ وان دەڤەران ئەو گوندێن عەرەبان یێن شنگال ژی پر بووینە ژ خێزانێن عەرەبان. گەلەك ژوان ژی دەمێ تیرۆرستێن داعش شنگال داگیر كری، سالا 2014ێ ل وێ دەمێ ئەو خێزانێن عەرەب بووینە هەڤكار و پشتەڤانێن تیرۆرستێن داعش هەتا ژی دگەل داعش هێرشێ سەر شنگال كرن. نها ژی هەر دەمێ دەلیڤە ببینن دێ هێرشا ئەنجام دەن چونكو هێشتا هزرێن توندرەو داعش د مێشكێ واندا هەنە، رەنگە ژی شانێن نڤستی بن ل دەڤەرێ".
خۆیا ژی كر: "عەرەبێن دگەل داعش زڤرینە دەڤەرێ لەورا ژی مەترسیا تیرۆرستێن داعش هەیە. هەر دەمێ دەلیڤە خوە ببینن دێ كارێن خوە توندرەویێ ئەنجام دەن. ئەو عەرەب بووینە داعش چووینە سوریا ڤەگەریاینە دەڤەرا شنگال، ئەڤە كارەكی مەترسی یە لسەر دەڤەرا شنگال".
باسنيوز
