ل دەرگەهێ سەرزێرێ یێ سنۆری هەتا 10 سەنتمێن بەفرێ بارینە
عیرفان سلێمان، رێڤەبەرێ خالا سنۆری یا سەرزێرێ ل سنۆری قەزا ئامێدی ل پارێزگەها دهۆكێ دیار كر كو: "بۆ دەمەكێ دەرگەهێ سەرزێرێ یێ سنۆری ژبەر بەفر بارینێ هاتە گرتن. هەتا ئامێرێن رامالینا بەفرێ گەهشتنە دەرگەهێ سەرزێرێ یێ سنۆری و نها بەردەوام بەفر دهێتە رامالین وجادا دهێتە ڤەكرن و هاتن وچوونی ژی یا نۆرمالە ل دەرگەهێ سەرزێرێ. تیمێن رامالینا بەفرێ و پاقژكرنا جادەیان دكارێدانە و ب رەنگەكێ بەردەوام بەفرێ پاقژدكەن. نها هاتن وچوون ژی ل دەرگەهێ سنۆری یێ سەرزێرێ هەیە وهێشتا چوو گرفتێن وەسا مەزن ژبەر بەفرێ بۆ هاتن وچوونێ دروست نەبووینە وهەتا 10 سەنتمێن بەفرێ هاتییە".
ل پارێزگەها دهۆكێ حەفت تیم بۆ رامالینا بەفرێ و ڤەكرنا جادەیان ژلایێ رێڤەبەریا سەخبیری و پاراستنا رێك وپرا هاتیە پێك ئینان ل هەموو قەزا و ناحیا بەلاڤ كرینە.
باسنيوز
