جێگری سەرۆکی پەرلەمانی کوردستان، ڕای دەگەیەنێت ئەمڕۆ بە ئامادەبوونی لیژنەی ئەوقاف و کاروباری ئایینیی پەرلەمانی کوردستان، پێشوازیمان لە شاندێکی کەنیسەکانی ئەمریکا و بەریتانیا بۆ کاروباری خێرخوازی کرد.

هێمن هەورامی، لەمبارەوە لە پێگەی خۆی لە تۆڕی کۆمەڵایەتیی (فەیسبووک) بڵاوی کردووەتەوە: "بە ئامادەبوونی لیژنەی ئەوقاف و کاروباری ئایینیی پەرلەمانی کوردستان، دیدارێکمان هەبوو لەگەل شاندێکی کەنیسەکانی ئەمریکا و بەریتانیا کە لە بواری خێرخوازیدا لە کوردستان کار دەکەن".

ئاماژەی بەوەش داوە: "بە ناوی پەرلەمانی کوردستانەوە دەستخۆشی و سوپاسمان کردن بۆ هەموو ئەو پشتیوانییەی کە بۆ ئاوارە و پەنابەران لە کوردستان پێشکەشیان کردووە".

جێگری سەرۆکی پەرلەمانی کوردستان ئاماژەی بەوەش داوە: "لە کۆبوونەوەکەدا جەختمان کردەوە کە فەرهەنگی پیکەوەژیان رەگ و ریشەی لە ناو کۆمەڵگەی ئیمە دایە و دامەزراوە دەستورییەکانی هەریم لەڕووی یاسا و دەستوور و کاری حوکمڕانی پابەند و پشتیوانی بنەماکانی پیکەوەژیان و فرە ئایینی و فرە نەتەوەیین".












باسنيوز