بەپێی زانیاریی میدیا خۆجێیەکان لە ڕۆژهەڵاتی کوردستان، پەروەردەی پارێزگای ورمێ ئاشکرای کردووە، بەهۆی سەرما و سۆڵە و بارینی بەفری قورس دەوامی قوتابخانەی پێنج شاری ئەو پارێزگایە ئەمڕۆ کراونەتە پشوو.

ماوەی دوو ڕۆژە شەپۆلێکی بەفر و باران و سەرما شارەکانی پارێزگای ورمێی گرتووەتەوە و بەم بۆنەوە ئەمڕۆ شەممە 2019.12.7 لە شار و گوندەکانی "مەهاباد، پیرانشار، شنۆ، نەغەدە و سەردەشت" دەوامی دوانیوەڕۆی قوتابخانەکان کراونەتە پشوو.

لە قوتابخانەکانی هەندێک لە شار و گوندەکانی ڕۆژهەڵاتی کوردستان بەهۆی خراپیی ڕێگەوبان و خراپیی سیستەمی گەرمکەرەوە لە قوتابخانەکان، لەگەڵ هاتنی وەرزی سەرما گرفت بۆ قوتابیان ساز دەبێت.













باسنيوز