سدیق محەمەد، بەڕێوەبەری گواستنەوەی سلێمانی ڕایگەیاند: "کاری پێدانی لۆگۆ بە شوفێرانی تەکسی تەواو بووە و دوێنێ وەک ھەنگاوی یەکەم چەند شوفێرێک مامەڵەی پێدانی لۆگۆکەی بۆ کرا، بەڵام لە سەرووی خۆمانەوە ئاگادار کراینەوە کە گۆڕانکارییەک کراوە، بۆیە بە شێوەیەکی کاتی دابەشکردنی لۆگۆکانمان وەستاندووە".

گوتیشی: "لە سلێمانی ٢٧ ھەزار تەکسی ھەیە و ھەر شوفێرێکی تەکسی پێویستە بچێتە فەرمانگەی بەڵگەی تاوان و ئاسایش و بەڕێوەبەرایەتیی ھاتوچۆ زانیاری و شتە داواکاراوەکانی ئەو فۆڕمە بھێنێت کە بۆ پێدانی لۆگۆکە داوای لێکراوە و دوای ئەوەش ئێمە پشتگیری بۆ کۆمپانیای دابەشکردنی لۆگۆکە پێ دەدەین".

بەڕێوەبەری گواستنەوەی سلێمانی ئاشکراشی کرد: "لە زۆربەی وڵاتانی جیھان سیسەتمی (JPS) لەناو تەکسییەکان دانراوە بە مەبەستی نەھێشتنی کێشەی کۆمەڵایەتی و کوشتن و بابەتەکانی دیکە، بۆیە ئێمەش لای خۆمانەوە بیرمان لەو بابەتە کردووەتەوە و دوای ھەنگاوی پێیوست دەیکەنە پڕۆژەیەک و بەمەبەستی خستنەبواری جێبەجێکردنەوە ئاراستەی لایەنی پەیوەندیداری دەکەین".










باسنیوز