وەزارەتی دارایی و ئابووریی حکوومەتی هەرێمی کوردستان دەست بە دابەشکردنی مووچەی مانگی ٩ی فەرمانبەرانی هەرێمی کوردستان دەکات.



بەپێی زانیارییەكان لە گەنجینەی وەزارەتی داراییەوە دەستی کەوتووە، پرۆسەی وردبینیکردنی مووچەی مانگی ٩ی فەرمانبەران لەلایەن گەنجینەکانەوە بە تەواوی کۆتایی هاتووە.



سەرچاوەکە ئاشکرای کرد کە سەرەتای هەفتەی داهاتوو، دابەشکردنی مووچەی فەرمانبەران دەست پێدەکات و سەرەتا مووچەی دیوانی وەزارەتی پێشمەرگە و لیواکان دابەش دەکرێت.



بەپێی خشتەی مانگەکانی ڕابردووش بێت، لە دوای وەزارەتی پێشمەرگە، مووچەی یەکەکانی ٧٠ و ٨٠ی پێشمەرگە دابەش دەکرێت و پاشان وەزارەتەکانی پەروەردە، تەندرووستی و دارایی مووچەیان پێ دەدرێت.





باسنیوز