سەرۆك مەسعود بارزانی پێشوازی لە ئەحمەد ئەلزاهری، كونسوڵی گشتیی ئیماراتی یەكگرتووی عەرەبی لە هەولێر كرد.

ئه‌مڕۆ سێشه‌ممه‌ 3/12/2019، له‌ سه‌لاحه‌ددین سه‌رۆك بارزانى پێشوازى له‌ ئەحمەد ئەلزاهری كرد، لە دیدارەكەدا كونسوڵی گشتیی ئیمارات لە هەولێر سڵاوی شێخ محەمەد بن زاید ئال نهیان، جێنشینی ئەبووزەبی بە سەرۆك بارزانی گەیاند و كورتەیەكی لەبارەی یارمەتییەكانی وڵاتەكەی بۆ ئاوارە و پەنابەران لە هەرێمی كوردستان بۆ سەرۆك بارزانی باس كرد و جەختیشی لەوە كردەوە كە وڵاتەكەی بەردەوام دەبێت لە یارمەتیدانی ئاوارە و پەنابەران لە هەرێمی كوردستان و عێراقدا.

بارودۆخی سیاسیی عێراق و ناوچەكە و پەیوەندییەكانی نێوان هەرێمی كوردستان و ئیماراتی یەكگرتووی عەرەبی تەوەری دیكه‌ی ئەو كۆبوونەوەیە بوو.









باسنيوز