ئەمڕۆ سێشەممە 3ـی 12ـی 2019 لە سەلاحەددین سەرۆك بارزانی، پێشوازی لە شاندێكی باڵای ئەنجومەنی نیشتمانیی كوردی سووریا بە سەرۆكایەتیی سعوود مەلا، سەرۆكی ئەنجومەنی نیشتیمانی كوردی سووریا كرد.

لە دیدارەكەد بارودۆخی سیاسیی سووریا و دوایین پێشهاتە سیاسی و مەیدانییەكان و ڕۆڵی وڵاتانی هەرێمی و نێودەوڵەتی لە دۆخی سووریا تاوتوێ كران.

هەر لەو كۆبوونەوەیەدا هەردوولا نیگەرانیی خۆیان لە بوونی هەوڵ بۆ گۆڕینی دیمۆگرافیی ڕۆژئاوای كوردستان و ئازاردان و ئاوارەكردنی هاووڵاتیانی كورد لە لایەن چەكدارە توندڕۆكانەوە، نیشان دا.

پەیوەست بە ئایندەی سووریا و نەخشەڕێگەی لایەنە كوردییەكان بۆ ڕووبەڕووبوونەوەی تەحەددیاتەكان و مسۆگەركردنی مافە سیاسییەكانی گەلی كورد، سەرۆك بارزانی ئامۆژگاریی پێویستی بۆ شاندی میوان خستە ڕوو.










باسنيوز