د. نۆفل رەشید، راگرێ كۆلێژا پزیشكی ل قەزا زاخۆ دیاركركو ب مەرەما هوشیاركرنا قوتابیان مە ڤیا دناڤ زانكۆیا زاخۆ دا دەست ب دانانا كەمپێنا بەرهەنگاریا نەخۆشیا ئایدزێ بكەن. دڤێ كەمپێنێ دا دێ پشكنین بۆ قوتابیان وهەر كەسەكێ بڤێت، هێنە ئەنجامدان داكو وێ رەوشەنبیری بۆ خەلكێ خوە دروست بكەین و هەموو قەستا نۆشداران بكەن بۆ پشكنینێن خوە پێخەمەت پاراستنا ژیانا خوە ژ مەترسیا نەخۆشیا ئایدزێ. ئەڤرۆكە رۆژا جیهانیا بەرھنگاریا ئایدزێ یە. ئەم ژی وەكو كۆلێژا پزیشكی هەموو هەولدانان دكەین دگەل دەزگەهێن ساخلەمیێ نەهێلن ئەڤ نەخۆشیا دناڤ خەلكێ مە دا پەیدا بیت".
خویا ژی كر كو: "باشترین رێك ئەوە وەلاتی پاراستنا خوە بكەن ژ كریارێن سێكسی یێن ژ دەرڤەی چارچوڤێ هەڤژینێ دهێنە كرن و بكارئینانا كۆندۆما هەروەسا ژی خوە دووركرن ژ دەقدانێ و نەهێلانا ڤەگوهاستنا نەخۆشی ژ دایكێن دووگیان یان تووشبوو ب ڤایرۆسیێ بۆ زارۆیان".
باسنیوز
