ته‌له‌ڤزیۆنی فه‌رمی سووریا بڵاویكرده‌وه‌، نزیكه‌ی 20 بارهه‌ڵگری ئه‌مه‌ریكی له‌ عێراقه‌وه‌ چوونه‌ته‌ سووریا (رۆژئاوای كوردستان).

به‌ گوێره‌ی ئه‌و كه‌ناڵه‌، ئه‌و بارهه‌ڵگره ئه‌مه‌ریكیانه‌ له‌ پارێزگای حه‌سه‌كه‌ جێگیر بوونه و مه‌به‌ستیانه‌ پارێزگاری له‌ كێڵگه‌ نه‌وتییه‌كان بكه‌ن.

له‌ ماوه‌ی چه‌ند رۆژی رابردوودا، 60 ئۆتۆمبێل و بارهه‌ڵگری سه‌ربازی ئه‌مه‌ریكی، جێگۆڕكێیان كردووه‌ و له‌ ناوچه‌كانی ده‌وروبه‌ری رمێلانی نزیك كێڵگه‌ نه‌وتییه‌كان جێگیر بوونه‌، زۆربه‌یان له‌ گونده‌كانی ده‌وروبه‌ری هه‌ردوو پارێزگای حه‌سه‌كه‌ و ره‌ققه‌ جێگیربوونه‌.

به‌ گوێره‌ی ئه‌و ته‌له‌ڤزیۆنه‌، به‌شێك له‌و ئۆتۆمبێله‌ سه‌ربازییانه‌ش، به‌ره‌و باشوور و رێگه‌ی نێوان شه‌دادی دێرزوور رۆیشتوون.

K24