پاسپۆرتى ههولێر ئاگادارییهك بڵاو دهكاتهوه
ئهمڕۆ چوارشهممه 27/11/2019، بهڕێوهبهرایهتیی پاسپۆرتى ههولێر ئاگادارییهكى له پهیجى فهرمیی خۆى، له تۆڕى كۆمهڵایهتیی (فهیسبووك) بڵاو كردهوه، تێیدا ئاگاداری هاووڵاتییان دەکەنەوە، بەپێی ئەم ڕێنماییانەی خوارەوە سەردانی نووسینگەکانی پاسپۆرت بکەن:
* نووسینگەی یەکی پاسپۆرتی هەولێر:
ئەو هاووڵاتییانە دەتوانن سەردان بکەن بۆ دەرهێنان و نوێکردنەوەی پاسپۆرت کە دانیشتووی (ناوەوەی پارێزگای هەولێر) لەگەڵ (مهخموور - گوێڕ - قهراج - کهرکووک) لەگەڵ مامەڵەی (ونبوون - تێکچوون - کۆتایی پەر - هەڵە لە پاسپۆرت - پاسپۆرتی خێرا).
* نووسینگەی دووی پاسپۆرتی هەولێر:
ئەو هاووڵاتییانە دەتوانن سەردان بکەن بۆ دەرهێنان و نوێکردنەوەی پاسپۆرت کە دانیشتووی قهزا و ناحیهكان لەگەڵ (شهقڵاوه - پیرمام - خەبات - کۆیە - دەشتی هەولێر - بنهسڵاوه - کەسنەزان - دارەتوو - قوشتەپە)، ههروهها ئەو هاووڵاتییانەی عێراقین و ئاوارەن کە لە دەرەوەی هەرێمى كوردستان هاتوون، بە مەرجێک دڵنیایی ئاسایش و پشتگیریی موختاریان هەبێت، لەگەڵ کارتی زانیاریی ئەو شارەیەن لابێت، کە لێی هاتوون.
* نووسینگەی پاسپۆرتی سۆران:
ئەو هاووڵاتییانە دەتوانن سەردان بکەن بۆ دەرهێنان و نوێکردنەوەی پاسپۆرت کە دانیشتووی (سۆران - ڕواندز - مێرگەسۆر - چۆمان - ههریر - ناحیهكانى سەر بەم قەزایانە) لەگەڵ ئەو هاووڵاتییانەی عێراقین و ئاوارەن کە لە دەرەوەی هەرێمى كوردستان هاتوون، بە مەرجێک دڵنیایی ئاسایش و پشتگیریی موختاریان هەبێت و لەگەڵ کارتی زانیاریی ئەو شارەیەن لابێت، کە لێی هاتوون.
باسنيوز
