قایمقامێ دهۆكێ: كارگەهێن زەرفێن كاغەزی دهێتە دانان
جەهوەر عەلی عەزیز، قایمقامێ قەزا دهۆكێ دیار كر كو كار یێ دهێتە كرن زەرفێن كاغەزی شوونا زەرفێن نایلۆنی ل گەلەك جه بهێنە بكارئینان. هەتا ژی ل دەرمانخانەیان ژی جۆرەكێ دی زەرفا بهێتە بكارئێنان دەمێ وەلاتی دەرمان ژ دەرمانخانەكێ دبەن نە دناڤ زەرفێن نایلۆنێ دا بیت. نها ئەم كار دكەین چەندین كارگەهێن زەرفێن كاغەزی بهێنە دانان داكو ئێدی زەرفێن كاغەزی بهێنە بكارئینان چونكو ساخلەمترن ژ زەرفێن نایلۆنی. هەردەمێ كارگەه ژی هاتنە دانان بێگومان دێ بهایێ زەرفێن كاغەزی ژی باش ئەرزان بیت".
خویا ژی كر: "نها بهایێ زەرفێن كاغەزی هاتیە كێمكرن. نها ل سەمونخانێن دهۆكێ زەرفێن كاغەزی دهێنە بكارئینان. هەتا رادەیەكێ باش پێگری پێ هاتیە كرن. ئەم هەولدەن كارگەهێن چێكرنا زەرفێن كاغەزی بهێنە دانان داكو بهایێ وان ئەرزانتر بیت ل پتریا جه بهێنە بكارئینان".
باسنیوز
