دوای تەواوبوونی كۆبوونەوەی مەسرور بارزانی سەرۆكی حکوومەتی ھەرێمی كوردستان لەگەڵ ئەو شاندەی كە بۆ دانوستان سەردانی بەغدایان كردبوو. گوتەبێژی حكوومەتی ھەرێم ئاشكرای دەكات، گفتوگۆی نێوان حكوومەتی ھەرێم و حكوومەتی عێراق بۆ گەیشتن بە رێككەوتنی كۆتایی بەردەوام دەبێت و گەیشتوون بە لێكتێگەیشتنێكی باش.

جوتیار عادل، گوتەبێژی حكوومەتی ھەرێمی كوردستان لە كۆنفرانسێكی رۆژنامەوانیدا رایگەیاند: "گفتوگۆی نێوان ھەولێر و بەغدا بە رێنمایی و سەرپەرشتی راستەوخۆی مەسرور بارزانی، سەرۆكی ئەنجومەنی وەزیرانی ھەرێمی كوردستان بەردەوامە و ھەردوولا گەیشتوونەتە لێكتێگەیشتنی باش".

گوتیشی: "سبەی دووشەممە بۆ درێژەدان بە گفتوگۆكان شاندی حكوومەتی ھەرێمی كوردستان دەچێتەوە بەغدا".













باسنيوز