شوكری عومەر، رێڤەبەرێ سامانێن ماسیان ل پارێزگەها دهۆكێ دیار كر: "گەلەك وەلاتی داخازا ڤەكرنا پرۆژەیێن ماسیان دكەن هەكە جڤاتێن گوند و دەڤەران رازی بن ئەم رازیبوونێ لسەر دكەن. نها پتر ژ 15 كەسان داخازكرینە پرۆژەیێن ماسیان ڤەكەن. ئەم لسەر كاردكەین بۆ ئەنجامدانا ڤەدیتنێ داكو كار تێدا بهێتە كرن. هەكە ئاریشە ژلایێ گوندان ڤە وەكو مولك لسەر نەبن چونكو هەموو پلانێن مە ئەون پشتەڤانی و هەڤكاریا وەلاتیان بكەین. بۆ ڤەكرنا پرۆژەیێن ماسیان داكو سامانێ ماسیێ ل دهۆكێ زێدەبیت وپشت بەستن لسەر بەرهەمێ ماسیان یێ خۆمالێ بهێتە كرن".
خویا ژی كر: "ل گۆری شیانێن خوە ئەم نۆكە پشتەڤانیا پرۆژەیێن ماسیان دكەین د وارێ دابینكرنا تیشكێن ماسیاندا، هەكە پارە ژی هەبیت ئەم ئالفی ژی بۆ پرۆژەیێن ماسیان دابین دكەین. نۆكە ل دهۆكێ 66 پرۆژەیێن ماسیان هەنە و داخازی لسەر ڤەكرنا پرۆژیان یا بەردەوامە".
باسنيوز
