وەزارەتی بەرگریی تورکیا بڵاویکردەوە، لەمیانی ئۆپەراسیۆنەکانیاندا سێ گەریلای پارتی کرێکارانی کوردستان (پەکەکە) لە هەرێمی کوردستان کراونەتە ئامانج.

لە میانی ئۆپەراسیۆنی چنگ-٣دا لە ناوچەی ھەفتانین باکوری عێراق، پێنج گەریلای پەکەکە کراونەتە ئامانج


وەزارەتی بەرگریی تورکیا لە راگەیەندراوێکدا بڵاویکردەوە، "لە میانی ئۆپەراسیۆنی چنگ-٣دا لە ناوچەی ھەفتانین باکوری عێراق، پێنج گەریلای پەکەکە کراونەتە ئامانج".

هێرشەکە لەلایەن فڕۆکەی بێفڕۆکەوانەوە لە هەرێمی کوردستان ئەنجامدراوە و هێرشەکانیانیش بەردەوامیان دەبێت


ئاماژە بەوەشکراوە، هێرشەکە لەلایەن فڕۆکەی بێفڕۆکەوانەوە لە هەرێمی کوردستان ئەنجامدراوە و هێرشەکانیانیش بەردەوامیان دەبێت.

تا ئێستا پارتی کرێکارانی کوردستان (پەکەکە) هیچ راگەیەندراوێکی لەبارەی هێرشەکەوە بڵاونەکردوەتەوە.

دوێنێ سێشەممە سوپای تورکیا بە فڕۆکەی بێفڕۆکەوانی شارەدێی خانەسۆر-ی سەر بە شنگالی بۆردومان کردوە و بەهۆەیەوە چەند کەسێک برینداربون.

ئەوە سێەمجارە سوپای تورکیا بۆردومانی شارەدێی خانەسۆر دەکات، دوای ئەوەی چواری ئەم مانگە فڕۆکەکانی تورکیا بۆردومانی ناوچەکیان کرد و بەهۆیەوە سێ شەڕڤانی یەکینەکانی بەرخۆدانی شەنگال (یەبەشە) برینداربون.







خەندان