ئه‌حمه‌د حه‌مید، ئه‌ندامى ئه‌نجومه‌نى به‌ڕێوه‌بردنى ڕادیۆى ده‌نگ له‌ گه‌رمیان ڕايگه‌یاند، ئه‌مڕۆ دووشەممە ١٨ی ١١ی ٢٠١٩، ئازاد عوسمان، به‌ڕێوه‌به‌رى ڕادیۆکەیان له‌لایه‌ن دادگاى به‌رایی كه‌لار به‌بڕى ٢٢٥ هه‌زار دینار پێبژاردن و به‌ندكردن بۆ ماوه‌ى سێ مانگ لەگەڵ راگرتنی جێبەجێکردنی بەندکردنەکەی، سزا دراوە.

ڕوونیشی کردەوە کە دادگاییکردنەکە لەسەر سکاڵای به‌رپرسێكى گه‌رمیان بووه‌ و بەهۆی كارێكى میدیایی ڕادیۆکەیان. بۆیە بە پێویستی زانی کە بەپێی یاسای ڕۆژنامەگەری لە هەرێمی کوردستان، مامەڵە لەگەڵ بەڕێوەبەری ڕادیۆکەیان بکرایە.

ڕۆژى چوار شه‌ممه‌ ١٣ی ١١ی ٢٠١٩، له‌سه‌ر سكاڵایه‌كى ساڵى ٢٠١٥ كه‌ پێشتر به ‌كه‌فاله‌ت ئازاد كرابوو، دادگاى كه‌لار كه‌فاله‌ته‌كه‌ى هه‌ڵوه‌شانده‌وه‌ و بڕیاری دا به‌ راگرتنی ڕۆژنامەنووس ئازاد عوسمان، به‌ڵام ئێواره‌ى هه‌مان ڕۆژ جارێکی دیکە بە کەفالەت ئازاد كرا.












باسنيوز