سەرۆك بارزانی به‌بۆنه‌ی كۆچی دوایی عه‌دنان پاچەچی، سیاسەتمەداری ناسراوى عێراقی، پرسه‌نامه‌یه‌كى بڵاو كرده‌وه‌.

ئه‌مڕۆ دووشه‌ممه‌ 18/11/2019، سەرۆك بارزانی به‌بۆنه‌ی كۆچی دوایی عه‌دنان پاچەچی، سیاسەتمەداری ناسراوی عێراقی، پرسه‌ و سه‌ره‌خۆشی خۆی ئاراسته‌ی خانەوادەكەی ده‌كات.

له‌ پرسه‌نامه‌كه‌دا سه‌رۆك بارزانى ده‌ڵێت: "به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی دیپلۆماتكار و سیاسەتمەداری ناسراوى عێراقی، (عه‌دنان پاچەچی)مان پێگه‌یشت و خەمباری كردین".

سه‌رۆك بارزانى سه‌ره‌خۆشی له‌ بنەماڵەی پاچەچی و تەواوی ھاوڕێیانی كۆچكردوو دەكات.

ئێوارەی دوێنێ یەكشەممە 17/11/2019، عەدنان پاچەچی، سیاسەتمەداری ناسراوی عێراقی لە تەمەنی 96 ساڵیدا لە شاری ئەبو زەبیی ئیماراتی كۆچی دوایی كرد.



ده‌قى پرسه‌نامه‌كه‌ى سه‌رۆك بارزانى:

بەناوی خودای مەزن و دلۆڤان

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی دیپلۆماتكار و سیاسەتمەداری ناسراوى عێراقی، (عه‌دنان پاچەچی)مان پێگه‌یشت و خەمباری كردین.

لەم بۆنە خەمناكەدا سه‌ره‌خۆشی له‌ بنەماڵەی پاچەچی و تەواوی ھاوڕێیانی كۆچكردوو دەكەم و خۆم بە ھاوبەشی خەمتان دەزانم.

‌لە‌ خوای گه‌وره‌ دەپاڕێینەوە بیخاتە بەر ڕەحمەتی خۆی و ئارامییش بەھەموولایەك ببه‌خشێت .


انا للە وانا الیە راجعون

مسعود بارزانی
١٨ـی ١١ـی ٢٠١٩