گوته‌بێژی وه‌زاره‌تی ئاوه‌دانكردنه‌وه‌ و نیشته‌جێكردن له‌ حكوومه‌تی هه‌رێمی كوردستان باس له‌ پڕۆژەکانی حكوومه‌ت ده‌كات و ڕای دەگەیەنێت کە کۆمپانیاکان بە جێبەجێکردنی ناوەڕۆکی گرێبەستەکانیان پابەند دەکرێن.

مه‌ریوان حه‌سه‌ن، گوته‌بێژی وه‌زاره‌تی ئاوه‌دانكردنه‌وه‌ و نیشته‌جێكردن ڕایگەیاند، گرێبەست له‌نێوان وه‌زاره‌تەکەیان و كۆمپانیاكان ده‌كرێت، ”هه‌ر كۆمپانیایه‌ك یان وه‌به‌رهێنه‌رێك به‌پێی ئه‌و گرێبه‌سته‌ مامه‌ڵه‌ نه‌كات، به‌پێی یاسا سزا ده‌درێت و سزاكه‌ش دیاری كراوه‌".

ڕوونیشی کردەوە، هه‌موو ته‌ندرێت ده‌كرێته‌ گرێبه‌ست له‌نێوان كۆمپانیا و وه‌زاره‌تەکان، ژووری یاسایی وه‌زاره‌ته‌كان گرێبه‌سته‌کە ده‌نووسنەوە و به‌رپرسیار ده‌بن به‌رانبه‌ر به‌ پرۆژه‌كان، ”ئه‌گه‌ر هه‌ر كۆمپانیایه‌كیش كه‌م ته‌رخه‌م بێت، سزا دەدرێت".

ئەوەشی ڕەت کردەوە کە لە ماوەی ١٠٠ ڕۆژی تەمەنی کارکردنی کابینەی تازەی حکوومەتی هەرێمی کوردستاندا سزای کۆمپانیاکانیان دابێت.












باسنیوز