بەپێی زانیارییەکان تورکیا دەستی بەسەر چوار شارەوانیی دیکەی هەدەپەدا گرت، لە چوارچیوەی ڕەوتی دەستبەسەرداگەتنی شارەوانییەکانی پارتی دیموکراتی گەلان (هەدەپە) و دانانی قەیوومەکان، وەزارەتی ناوخۆی تورکیا سەرۆکی شارەوانییەکانی "هەزاخ (لە شێرناخ) یەنی‌شەهیر، هەزرۆ (لە دیاربەکر) و مازگرت (لە درسیم)"ی لەکار دوور خستووەتە و قەیوومی بۆ دیای کردوون.

هەتا ئێستا لە پارێزگا، شار و شارۆچەکە و ناوچە جیاجیاکانی باکووری کوردستان، 20 شارەوانیی پارتی دیموکراتی گەلان (HDP) لەلایەن تورکیاوە دەستیان بەسەردا گیراوە و سەرۆک شارەوانییەکان لەکار دوور خراونەتەوە و چەند کەسێکیشیان دەستگیر کراون.

زۆربەیان لەلایەن حکوومەت و دادگاکانەوە تۆمەتی هاوکاری و پاڵپشتیی پارتی کرێکارانی کوردستان (PKK)یان دراوتە پاڵ.

دوای هێرشی سوپای تورکیا بۆ سەر ڕۆژئاوای کوردستان زەخت و گوشارەکان بۆ سەر پارتی دیموکراتی گەلان (HDP) توندتر بوونەتەوە و جیا لە دوورخستنەوەی سەرۆک شارەوانییەکن، نزیکەی 200 ئەندامی هەدەپە لە باکوور و شارەکانی دیکەی وترکیا بە بیانووی دژایەتیی هێرشی تورکیا و پاڵپشتیی ڕۆژئاوای کوردستان و پەکەکە دەستگیر کراون.










باسنيوز