گوته‌بێژی فەرمیی حکوومه‌تی هەرێمی کوردستان رای گەیاند، لەبارەی بودجەی ٢٠٢٠ی عێراق، لەگەڵ حکوومەتی فیدرالیی عێراق دەگەنە ڕێککەوتن.

د. جوتیار عادل، گوتەبێژی فەرمیی حکوومەتی هەرێمی کوردستان ڕايگەیاند، گفوگۆکان له‌گه‌ڵ به‌غدا به‌رده‌وامن و گه‌شبینن بەوەی له‌سه‌ر بودجه‌ ڕێک بکەون.

ڕوونیشی کردەوە کە هێشتا گفتوگۆکان بەردەوامن و کەشێکی ئەرێنی لەئارادایە.

پێشبینیی ئەوەشی کرد کە لە چوارچێوەی دەستووری هەمیشەیی عێراق و بنەماکانی مافەکانی هەرێمی کوردستان، بگەنە ڕێککەوتن.

لە بەشێکی دیکەی لێدوانەکەیدا گوتەبێژی فەرمیی حکوومەت ئاشکرای کرد، لە ماوەی داهاتوودا پڕۆژە ستراتیژییەکانی حکوومەت ڕادەگەیەنن و خودی سەرۆکی حکوومەتی هەرێمی کوردستان لە رێس کۆنفرانسێکدا ڕوونی دەکاتەوە کە پڕۆژە ستراتیژییەکان چین.

باسی لەوەش کرد کە حکوومەتی هەرێمی کوردستان دەیەوێت گرنگی بە کەرتی تایبەت بدات و پلانی فراوانیشی هەیە لەمبارەیەوە.











باسنيوز