حكوومەتی هەرێمی كوردستان 200 مامۆستای گرێبەست له كهركووك دەكات بە هەمیشەیی
شێرزاد رەشید، بەڕێوەبەری خوێندنی كوردی لە كەركووك، ڕايگەیاند: "ئەو بڕیارەی حكوومەتی هەرێمی كوردستان كەركووكیش دەگرێتەوە و بڕیارە 200 مامۆستا لە كەركووك كە بەشێوەی گرێبەست لەلایەن وەزارەتی پەروەردەی حكوومەتی هەرێمی كوردستانەوە دامەزراون، ئەوانیش بكرێن بە هەمیشەیی".
گوتیشی: "هەروەها ئێمە داوامان كردووە كە مامۆستایانی وانەبێژیش دابمەزرێن بەشێوەی گرێبەست، یاخود هەمیشەیی، چونكە ئێمە سوودی زۆرمان لەو مامۆستایانە بینیوە و بۆشاییەكانیان لە بەشە وانەكان لە قوتابخانەكاندا پڕ كردووەتەوە".
لە دوایین بڕیاری حكوومەتی هەرێمی كوردستان سەبارەت بە دامەزراندن، بڕیار درا مامۆستایانى گرێبەست بكرێن بە هەمیشەیی.
باسنيوز
