هەسەدە: 20 سەربازی تورکیا و چەکداری یارمەتیدەری کوژران
ناوەندی راگەیاندنی هەسەدە رایگەیاند، سەربازانی تورکیا و گرووپە چەکدارە نزیکەکانی ئەنقەرە لە هێرشەکانیان بەردەوامن و ئاماژەی بەوەشکرد، "لە ناوچەکانی تلتەمر، ئەبوو رەئسێن و عەین عیسا و لەچوارچێوەی مافی بەرگریکردن، شەڕڤانان وەڵامی هێرشەکانیان داوەتەوە، لە ئەنجامدا 20 سەربازی سوپای تورکیا و چەکداری گرووپە یارمەتیدەرەکانی کوژراون، کە 11یان لە میحوەری عەین عیسا کوژراون و 6 کەسیشیان لێ بریندار بوون، دەستیشگیراوە بەسەرچەکێکی جۆری AK-47 یدا".
ناوەندی راگەیاندنی هەسەدە، لەبارەی زیانەکانی شەڕڤانان، ئاماژەی بەوەداوە، لە 24 کاژێری رابردوودا 15 شەڕڤان گیانیان لەدەستداوە و 13 شەڕڤانیش برینداربوون.
لە 9-10-2019ـ سوپای تورکیا و 29 گرووپی چەکداری سووریای سەر بەتورکیا هێرشیان بۆ سەر رۆژئاوای کورستان دەستپێکرد.
