سەرۆکایەتی ئەنجومەنی وەزیرانی هەرێمی کوردستان بریارێکی نوێی لەبارەی پێدانی مۆڵەتی خوێندن بە فەرمانبەران دەرکرد.

بەپێی نووسراوێکی سەرۆکایەتی ئەنجومەنی وەزیران کەو تێیدا بڕیاردراوە بە پێکهێنانی لێژنەیەک بۆ رێکخستنەوە و دارشتنی رێنمایی و میکانیزمی تایبەت بە چۆنیەتی پێدانی مۆڵەتی خوێندن لەبەر رۆشنایی یاسا و رێنماییە کارپێکراوەکان.

ئەوەش خراوەتە ڕوو، هیچ مۆڵەتێکی خوێندن رەزامەندی لەسەر نادرێت تا ئەوکاتەی میکانیزم و رێنمایی پێویست دەردەچێت لەلایەن لێژنەکەوە.

ئەنجومەنی وەزیران جەختیشی کردووەتەوە، کە پێویستە وەزارەت و لایەنە پەیوەندیدارەکان پابەندی بڕیارەکە بن و هیچ جۆرە داواکارییەک بۆ مۆڵەتی خوێندنی فەرمانبەرانیان بۆ ئەم سەرۆکایەتییە بەرز نەکەنەوە تا دەرچوونی میکانیزم و رێنمایی نوێ.














باسنيوز