لەلایەن ڕێكخراوەكان و چالاكوانانی كۆمەڵگەی مەدەنی و چین و توێژەكانی دەڤەری باڵەكایەتی لە شارۆچكەی چۆمان، كەمپینێك بۆ كۆكردنەوەی هاوكاری بۆ ئاوارەکانی رۆژاوای كوردستان كرایەوە.

هیوا حوسێن حاجی ئاغا، چالاكوان و كەسایەتیی خێرخوازی باڵەكایەتی، رايگەیاند: "بەمەبەستی پێشكەشكردنی كۆمەك و هاوكارییەكانمان بە خوشك و برا ئاوارە و لێقەوماوەكانمان لە رۆژئاوای كوردستان، ئەمڕۆ شەممە 26/10/2019 لەلایەن رێكخراوەكان و چالاكوانانی كۆمەڵگەیی مەدەنی و ئافرەتان و لاوان و قوتابیان و چین و توێژەكانی باڵەكایەتییەوە، كەمپینێك لە سەنتەری شارۆچكەی چۆمان راگەیاندرا و خەڵكی خێرخوازی سنوورەكە دەستیان كردووە بە بەخشینی هاوكارییەكانیان".

گوتیشی: "كەمپینەكە بۆ ماوەی یەك هەفتە بەردەوام دەبێت و دواتر و هاوكارییەكان دەگەیەندرێنە ئاوارەو لێقەوماوانی رۆژئاوای كوردستان، داواكاریشین لە خەڵكی خێرخواز بەپێی توانا هاوكارییەكان ببەخشن".












باسنيوز