بەھۆی بۆردومانی فڕۆکەکانی تورکیاوە ماوەی مانگێکە ھاووڵاتییانی گوندێکی سنووری قەزای پشدەر گوندەکەی خۆیان چۆڵ کردووە و ئێستا لە گوزەرانێکی خراپ لەناو خێوەتدا دەژین.

عومەر حاجی، گوتەبێژی ئیدارەی ڕاپەڕین ڕايگەیاند: "ھاووڵاتییانی گوندی (زێوکە) لە سنووری قەزای پشدەر، نزیکەی مانگێکە بەھۆی بۆردومانی فڕۆکەکانی تورکیا کە بە بیانووی بوونی پەکەکە دەیکات، گوندەکەی خۆیان چۆڵ کردووە و ھاتوونەتە دەشتاییەکی نزیک گوندی (سونێ) و بەو ھۆیەوە لەناو خێوەتدا دەژین و منداڵەکانیشیان لەناو خێوەت دەخوێنن".

گوتیشی: "باسی لەوەش کرد: " بەختەوەرانە ھاووڵاتییان و ڕێکخراوەکان ھاوکاریی سەرەتاییان پێشکەشی ئەو ھاووڵاتییانە کردووە و ئێمەش وەک ئیدارەی ڕاپەڕین لە ھەوڵ داین پێش ھاتنی وەزری سەرما، کار بۆ ئەوە بکەین کە لەگەڵ لایەنی پەیوەندیدار گەرەنتییەکی ئارامی و ھێمنیی گوندەکەیان بۆ وەربگرین و بگەڕێنەوە سەر ماڵ و حاڵی خۆیان، یان لایەنیکەم تا چارەسەرکرنی کێشەکەیان و گەڕانەوەی بۆ شوێنەکانی خۆیان، بتوانین کەمپێکیان لە شوێنێکی ئارام بۆ دروست بکەین".












باسنيوز