دوانیوەڕۆی ئەمڕۆ سێشەممە محەمەد حەمید، کوڕە بریندارەکەی خەڵکی سەرێکانی کە بەهۆی هێرشی تورکیاوە بریندار بوو، بە فڕۆکەی دژە تیرۆر هێندرایە هەولێر.

پێشتر لەسەر ڕاسپاردەی سەرۆک بارزانی محەمەد لە ڕۆژئاوای کوردستانەوە هێندرایە هەرێمی کوردستان و لەگەڵ دەوڵەتی فەڕەنسا هەماهەنگی کراوە و بڕیارە بە فەرمی لە فڕۆکەخانەی نیودەوڵەتیی هەولێرە بۆ چارەسەریی پێویست ڕەوانەی فەڕەنسا بکرێت.

محەمەد حەمید محەمەد، میرمنداڵێکی تەمەن سێزدە ساڵە و بەهۆی هێرشی فڕۆکەی تورکیاوە زۆر بە خەستی جەستەی سووتاوە و بەپێی زانیارییە پزیشکییەکان سوپای تورکیا لە هێرشەکاندا چەکی قەدەغەکراوی فسفۆڕیی بەکار هێناوە.












باسنيوز