بڕیارە رۆژی دووشەممەی ئەم ھەفتەیە لایەنە سیاسییەکانی ھاوپەیمانیی کوردستانی لە شاری سلێمانی کۆ ببنەوە.

شوان محەمەد ئەندامی مەکتەبی سیاسیی حزبی شیوعی کوردستان، لەمبارەوە راگەیاند: "کۆبوونەوەی داھاتوومان رۆژی دووشەممە٢١ی١٠ی٢٠١٩ لە مەکتەبی سیاسیی یەکێتی لە شاری سلێمانی دەبێت".

لەبارەی مەبەستی کۆبوونەوەکە گوتیشی: "کۆبوونەوەکە بۆ دانانی کاندیدەکانی ھاوپەیمانی کوردستانییە".

لەبارەی دانانی کاندیدەکانەوە گوتی: "لەسەر میکانزمێک گەشتووینەتە ڕێککەوتن و ھەنگاوی باش نراوە و لەو کۆبوونەوەیەدا بڕیاری کۆتایی لەبارەی دابەشکردنی کاندیدەکان دەدەین".

ھاوپەیمانیی کوردستانی بە ٩٦ کاندید بۆ سێ پارێزگای (نەینەوا، کەرکووک و دیالە) بەشداری ھەڵبژاردنەکانی ئەنجومەنی پارێزگاکانی عێراق دەکات.











باسنیوز