دوای ئەوەی بەهۆی هێرشەکانی تورکیاوە قوتابخانەکانی قامشلۆ چەند رۆژێک بوو داخرابوون، بەڵام دوای رێککەوتنی هەسەدە و دیمەشق دەرگای بەشێک لە خوێندنگەکان کرانەوە.

بەشێکی قوتابییەکان گەڕاونەتەوە نێو پۆلەکانیان، بەڵام هێشتا لە ترسدا دەژین و دەڵێن، گرەنتی نییە لە پڕدا بۆردوومانی شارەکە نەکرێتەوە. ئەو ترسەش وایکردووە لە بەشێک لە قوتابخانەکان رێژەی قوتابییە گەڕاوەکان کەمتربێتەوە.

قوتابییەک دەڵێت، دەنگی قازیفە و فڕۆکە دەهات، بەڵام ئێمە لە ماڵ دەرنەچوین و ئێستا هاتوومەتەوە قوتابخانە و دەمەوێت لە داهاتوودا ببمە مامۆستا.

دوای رێکەوتنی هەسەدە و شام مامۆستای قوتابخانە حکومیەکانیش چوونەتە خوێندنگاکانی رێڤەبەری خۆسەر.