ئەمڕۆ چوارشەممە سەرۆك مەسعود بارزانی بە بۆنەی كۆچی دوایی سەرداری ئەنوەربەگی بێتواتە، لە ڕێی تەلەفۆنەوە پەیوەندی بە نەوزاد ئەنوەربەگەوە كرد، پرسە و سەرەخۆشی ئاراستەی نەوزاد ئەنوەربەگ و براكانی و سەرجەم خانەوادەكەیان كرد.

ھەر ئەمڕۆ سیداد بارزانی بە نوێنەرایەتیی سەرۆك بارزانی، لەگەڵ ژمارەیەك لە ئەندامانی مەكتەبی سیاسی و سەركردایەتیی پارتی، بەشدارییان لە مەراسیمی ھێنانەوە و ناشتنی تەرمی خوالێخۆشبوو سەردار ئەنوەربەگی بێتواتە كرد، پرسە و سەرەخۆشییان ئاراستەی خانەوادەكەی كرد.

دوێنێ سێشەممە سەردار ئەنوەر بەگ بێتواتە میری خۆشناوان کۆچی دوایی کرد.











باسنيوز