ئەمڕۆ دووشەممە 180 پەنابەری ڕۆژئاوای كوردستان، شەش ڕۆژ لە دوای دەستپێكردنی لەشكركێشیی سوپای توركیا و ڕۆژێكیش دوای بڵاوبوونەوەی هێزەكانی ڕژێمی ئەسەد لە ڕۆژئاوا، گەیشتنە هەرێمی كوردستان.

لەمبارەیەوە ناوەندی ھەماھەنگی بەرەنگاربوونەوەی قەیرانەکان سەر بە وەزارەتی ناوخۆی حکومەتی ھەرێمی کوردستان رایگەیاند كە ئەمڕۆ یەکەم کاروانی پەنابەران لە سوریاوە گەیشتنە ھەرێمی کوردستان کە ژمارەیەن 180 کەسە.

ئاماژەشی بەوە داوە كە چاوەڕوان دەکرێ ژمارەکە لە ھەفتەکانی داھاتوودا زیاتر بێت.

هەروەها ئەوەی راگەیاندووە كە یارمەتی دارایی و پێداویستییە سەرەکییەکان زۆر پێویستن بۆ ئەوەی بتوانن ھاوکاری ئەم خەڵکە لێقەوماوە بکەن کە لەبەر ژیانی خۆیان ڕایانکردووە.











باسنيوز