ئەمڕۆ دووشه‌ممه‌ 7/10/2019، وەزیری دەرەوەی رووسیا سەردانی بەغدا و ھەولێر دەكات و لەگەڵ بەرپرسانی باڵای عێراق و ھەرێمی كوردستان كۆدەبێتەوه‌.

وه‌ك ئه‌وه‌ی له‌ چه‌ند هه‌فته‌ی رابردوو به‌رنامه‌ی بۆ داڕێژرابوو، بڕیارە ئەمڕۆ سێرگی لاڤرۆڤ، وەزیری دەرەوەی رووسیا، بە سەردانێكی فەرمی سەردانی عێراق بكات و لەگەڵ سێ سەرۆكایەتییەكەی عێراق لەبارەی پەیوەندییەكانی عێراق و رووسیا كۆببێتەوە. دواتریش سەردانی ھەولێر دەكات و لەگەڵ بەرپرسانی باڵای ھەرێمی كوردستان لەبارەی پەیوەندییەكانی مۆسكۆ و ھەولێر و بارودۆخی ناوچەكە و پەیوەندییە ئابوورییەكان كۆدەبێتەوە.

سه‌ردانه‌كه‌ی وه‌زیری ده‌ره‌وه‌ی رووسیا بۆ به‌غدا هاوكاتی خۆپیشاندان و گرژییه‌كانه‌ له‌ عێراق كه‌ ماوه‌ی هه‌فته‌یه‌كه‌ چه‌ندین شاری گرتووه‌ته‌وه‌ به‌تایبه‌تی به‌غدای پایته‌خت. له‌و ماوه‌یه‌شدا زیاتر له‌ 100 خۆپیشانده‌ر كوژراون و سه‌دانی دیكه‌ش بریندار بوون.







K24